Blog主簡介

capstone推呢隻game，個人感覺都幾照顧玩家，無論課定唔課都有機會齊隊，因為唔駛用「石」抽都有機會買到5/6星球員。

課金當然係捷徑，始終有金主，營運先有收入，唔係就冇新game玩。唔課都係出於經濟考慮，如中、小學生冇經濟能力，但有時間，咪用時間慢慢練。

講返自己，小弟係呢隻game嘅中課玩家，而家lvl 36，4隻6星，10隻以上5星。故事模式去到第十三章，戰力約三萬。

Blog主係足球迷，有玩過PES、足球小將等嘅手機遊戲。但係覺得都幾坑，課金唔保證一定得到你想要嘅嘢(足少SSR中重覆仲慘過全SR)，打肥升呢又限時限刻，對於上班族嚟講，未必太適合。

小弟玩咗九日，對呢隻game有一定程度認識，但呢隻game喺9月7號正式上架，至今對於呢隻game嘅討論唔多，而且都有好多嘢要摸索。所以膽粗粗開個攻略blog分享一下，希望幫到香港玩家。