理想中場技能配搭

個人覺得理想中場技能配搭如下:

防守中場(DMF): 
打單防中最好有鏟技, 第二技可以係正念場、曲者動或領域支配。

原因如果對方係一啲控球/keyman 型中場, 鏟波即刻了結對手攻勢。

二技係正念場嘅話，因為係團Buff，可以增加全隊能力值容易啲防守；

曲者動就可以降低控球球員能力值；

領域支配可以截斷對手CMF/中圈附近球員嘅短傳。

理想單防中 (只列6星球員，排名已分先後): 比比>=維度、馬度迪、大衛路爾斯、侯姆斯、簡迪、祖爾馬迪普、拉傑迪...


雙防中則彈性較大，除鏟技外，是但一名防中建議配備正念場，而如果大家好彩，有2個或以上鏈式防守球員，亦應優先使用。

理想雙防中配搭 (只列6星球員，排名已分先後): 比比/維度+拉傑迪、比比+維度、祖爾馬迪普+馬度迪、大衛路爾斯/侯姆斯/簡迪+拉傑迪、比比/維度+簡迪...

因應唔同戰術，如果球隊主攻及有窩利前鋒，防中位應放有Pinpoint pass嘅防中，六星選擇唔多得兩名，(排名已分先後)華拉堤、摩迪，原因多一招團Buff - 警醒。(當然如果隊中有同技球員，則摩迪較好)

中場中(CMF): 

單一中場中應配備至少一招傳波技(Pinpoint pass/正確無比>>以心傳心)及團Buff，如警醒或節拍機。因為中場中主要做駁腳/由守轉攻嘅角色，冇傳波技嘅CMF基本上可以放入雪櫃，當然打得CMF嘅好多都打到其他中場位，自己睇餸食飯啦。

理想單一中場中 (只列6星球員，排名已分先後): 華拉堤/辛迪卡蘇拿/伊斯高/大衛施華/卻奧斯、布斯基斯、摩迪、奧燒、法比加斯、恩尼斯達

雙/多中場中則彈性較大，除傳波技外，是但一名中場中建議配齊警醒同節拍機，呢啲團BUFF球員最好唔重複。(唔理想組合，例如伊斯高+華拉堤，大家都有警醒...)

理想雙/多中場中: 祖奧馬利奧+摩迪 / 華拉堤+大衛施華 / 辛迪卡蘇拿+伊斯高/卻奧斯...

進攻中場(OMF): 
單一進攻中場應配備正確無比/重炮/插水，正確無比配Fox in Box 係入波方程式，喺Blog到都說明咗；重炮就係對付一啲雙全消CB嘅破門方式；插水唔駛多講, 屈罰球同12碼...另外配備狩人之OMF則可殺對方一下措手不及。

理想攻中(只列6星球員，排名已分先後): J.洛迪古斯、洛賓、列貝利、古天奴、朗尼、韋利安、湯馬士梅拿、恩尼斯達...

左/右中場(LMF/ RMF): 
呢兩個位比較少玩家留意, 因為大家都玩得比較功利(笑)。功利呢到係講，唔浪費時間盤球/傳波，直接喺中場中/攻中位傳波俾前鋒射門入波...

玩左/右中場只有3後防/4後防陣式, 5後防玩唔到，球員選擇亦較少，好多都係兼任。左/右中場理想技能為帶波過人、Pinpoint cross/ 冷靜沉著。配重炮都唔差，但有得揀冷靜會較好。

理想左/右中場(只列6星球員，排名已分先後): 迪布尼、馬些路、迪馬利亞、阿辛斯奧、朗尼...

如果有一啲非理想配搭嘅球員，大家應該考慮一下會唔會將佢環吹 或者 放返喺適當位置。

當然，以上文章純屬個人意見(雖盡量客觀)，玩家應自行再分析及因應已有球員作排陣。

最後多謝巴打們肯睇晒小弟呢篇9UP文