提升球員能力

按「選手」再按球員會有出現下面畫面

五角形有五個日文:
シュート 射門　
インターセプト 截傳　
タツクル　攔截
ドリブル　盤球
パス 傳球

右手邊有6個方格
レベルアツプ 升Level 需要EXP缶去提升。EXP缶有4種, 由最小到最多: 初級、中級、上級、特級

限界突破 - 簡稱「限突」，每10個level需要突破一次，所需嘅素材會喺呢度顯示。

1星球員要1樣素材去限突
2星球員要2樣素材去限突
3星球員要3樣素材去限突
如此類推

所需素材分別係
Level 10 每項素材只需要1 個，以6星球員為例，素材總數係6
Level 20 每項素材需要2 個，以6星球員為例，素材總數係12
Level 30 每項素材需要5 個，以6星球員為例，素材總數係30
Level 40 每項素材需要10 個，以6星球員為例，素材總數係60
Level 50 每項素材需要20 個，以6星球員為例，素材總數係120
Level 60 每項素材需要40 個，以6星球員為例，素材總數係240!!!

按素材會顯示使用該素材後，球員會提升幾多能力，另外亦會說明要幾多同邊一關有得拎(如上圖)

スキル 技能 (球員Level 10+限突後會開放，之後每次限突後開放多一個技)

提升技能Level亦能提升球員戰力及增加技能發動的威力/次數 。(如上圖) 技能升級可以透過訓練個別球員及用鑽石去提升(50鑽提升1 Level)

覺醒後Level上限會增加。4星全覺醒後 MAX技能為 Level 13，5星全覺醒後MAX技能為 Level 18(如上圖)，6星全覺醒後MAX技能為24。

潛在能力  (球員Level 30 + 限突 後會開放)

呢項係球員未開發的能力，要4星或以上球員先有。唔同星嘅球員，潛在能力值亦有唔同。4星係400，5星係750，6星係1300。有兩個方法可以激發球員嘅「潛在能力」，第一係打聯賽贏波, 第二係餵豆沙包。每次數值+5。

覺醒  (球員Level 40 + 限突 後會開放)

係抽卡中重覆球員嘅最佳用途。同潛在能力一樣要4星或以上球員先有。4星球員可以覺醒兩次，5星球員可以覺醒三次，6星球員可以覺醒四次。

注意: 覺醒卡係要相同卡先可以用嚟做覺醒, 即係4星卡覺4星， 5星卡覺5星， 6星卡覺6星。同名4星卡唔可以用嚟覺5星/6星球員; 同名5星卡唔可以用嚟覺4星/6星球員!!!

第一次覺醒只需要用相同卡就可以(Level 1 就可以，唔駛升)， 但第二次覺醒後條件會開始苛刻。第二次覺醒需要限突4次，即係要將重覆卡升到Level 40兼限突埋先可以用嚟覺醒。第三次覺醒需要限突5次，第四次覺醒需要限突6次(即係升爆多一次重覆嘅6星球員)!!!

上圖顯示，唔合符條件係唔俾用嚟覺醒!!