新手攻略及龍門技能推介

刷首抽係好多手遊開game前嘅指定動作，但呢隻game未必需要刷（咁唔好彩10抽得隻保底4星就當然重刷...）

10抽有4星前鋒同龍門都可以開局，當然開局有5星球員最好。呢個遊戲我個人覺得係打整體戰同球員之間個人技嘅配合為主，相比起全5星/全6星陣，前者更加重要。

新手玩家短期目標應先提升球員能力，球員有能力先可以過到主線及聯賽升班。提升球員可以透過打主線/Forza Arena中獲得嘅?級EXP缶及限界突破素材。

主線卡關，有以下建議方案

1. 打返之前嘅關拎EXP缶及限界突破素材提升球員能力

2. 留意對手有咩技能，換入剋制之球員... 如對手GK 有ワンダーウォール技，可以用持有「魂のヘイデーグ」或「芸術ボリー」球員取代如「Fox in Box」或 「冷靜沉著」嘅前鋒

3. 轉陣式，如第四章第十節對紅魔鬼，任務要求係0失球，小弟都卡咗3次，換做5-4-1陣容，再放持有「コースの遮斷」嘅球員去減低中場卡域克「ピンポイントパス」＋伊巴嘅「芸術ボリー」發動機會

4. 轉戰術， 如減低球員逼搶，球員以後退為主等...


技能方面，分主動技同被動技。

主動技全部都係比賽時發動，如F. 托利斯嘅「冷靜沉著」係喺佢接到地面傳波後，準備射門前發動，提升佢入波嘅百分率。

被動技多數係相隔一段時間/特定情況自動開啓，如基沙文嘅「永久機關」會喺己方主攻時自動發動。

主動同被動技總數暫時有41種，當中有10招技能係GK專有，其餘31種則由DF, MF, FW去配搭。

 好用技能有以下所講，當決定賣球員嗰時，可作參考。

先講龍門，個人覺得有5招救波技比較好用。

第一係保方同K.舒米高先有嘅「最後尾からの指示」呢招技係任何球員射門嗰時都會發動，減低對方射門成功率。

第二係祖利奧施薩同施利古有嘅「ワンダーウォール」呢招技係減低以地面傳球至前鋒並直接射門嘅入球率。

第三係當拿龍馬同施利古有「ハンティング」，呢招提升龍門嘅接波力。

第四係比高域及部分4星龍門有嘅「神降臨」，呢招會減低對手窩利射門嘅成功率。

最後係部分4星龍門先有嘅「超絕反応」，呢招會減低對手頭槌攻門嘅成功率。